| |
Ciao zäme,
Die Site esch speziell för eusi zwe Australier
gmacht, dass Sie emmer schön chli ufem laufende send, was mer do i de Schwiiz
erläbit, dass sie eus ned ganz vergässid!
Pictures:
Ali's Fasnachtsbilder
Roccos gehen in die
Medien.....
Stibitzer-Frauen mit
Ali-Deluxe am James Blunt-Concert (super Bilder,hihi)
Silvester 05/06 im Black
Mähh...
Roccos ent(gl)eisen in Davos (2005)
Raclette-Night@ali'sPalace
Chlausmärt in Sursee
Abschlussapero im Beck's
Paris-Club Eröffnung (Fotos folgen)
NEWS:
- So, ech han höt am Nomitag mal weder met de
Aussies telefoniert. Sie wönschid euch allne Frohe Wiehnachte ond en guete
Rotsch is 2006! Sie hend höt de letschte Schueltag gha ond wärdid denn am
Mäntig rechtig Alice Springs (a.d.Redaktion: das esch im Outback i de Mitte
vo Australien, ca. 43 Grad, ond dete esch de Uluru (AyersRock), sowie
dOlga's ond de KingsCanyon) flüge ond dete en Outback-Tour met Zeltcamp för
5 Täg mache. Denn gods wiiter uf Melbourne wos denn Silvester tönd fiire.
Euse Mister Jussi esch bereits au zwöimou vo de Carabinieri usegno worde ond
hed mösse Blose (Bussenkatalog: Fr. 250.00 ond Fr. 100.00) dBüecher heder
aber grad no chönne userüehre ond somit escher eifach wäge dschnellfahre
bestroft worde. De Hess god emmerno sim Motto: "äch chom, dJapaneri kössid
trotz schrege zähnd ned so schlecht" noche!
- Wie er gsänd semmer retour us davos ond ech weiss
noch chorzer Ifüehrig vo minne Informatiklüüt jetzt weder wie en Computer
bediene;-)
Mhh...auso en bricht werd no folge, aber da ech jo
wörkli ned vell debi gsi ben im Usgang, ond
wenn denn secher nüd meh defo weiss, wär ech froh,
wenn ech chli hilf öberchiem vo dene lüüt
wo no meh wössid als ech...
ech glaube sogar, es wär wedermou ziit för
dGossips. do chömmer wahrschinlech mehreri Site
fölle met dene nor scho vo davos. Aber ech glaube
dbilder sprechid scho rächt för sech, wie
dass eus Davos gfalle hed....;-))
- Ja auso das Weekend esch auso ganz im Zeiche vo de
Rüsch gstande (ned wie die vorherige sebe,hihi) Allzäme send am Samschtig am
FC Fäscht i de Stadthalle gsi. De Duracell ond de Röle send so ca. am obe am
nüni scho am lalle gsi. Dänkes so gäge die 23.00 Uhr denn de Richi, 23.30 de
Hans. Ond ech ben usnahmswiis ganz nüchtern blebe, kei ahnig wieso, aber ech
han eifach kei loscht gha zom suffe. wie ehr wahrschinlech scho vermuetet hend,
stimmt das ganz ned! Mer hend all so rüsch gha, dass ech nüd meh weiss ond
somit au gar ned wörkli öppis öber dä obe chan verzelle. Am Sonntig esch de
Röle ond konsorte denn uf Basel zom Piri a Match YB - Basel gange. De Richi
ond ech hend mösse am Hallenturnier (Eich 4. Rang / D'sellen 6. Rang) schpele.
Ja, chönd euch jo vorstelle wie guet dases eus gange esch. auso vell meh vo
dem Tag aus vom Samschtig weiss ech ehrlechgseid jo ned ond drom högglemer das
Weekend doch eifach ab ond freued eus uf Davos am nächschte Weekend, hihihi,
wenns weder heisst: Davos - Rümliroccos ent(gl)eisen!!
- Am Mittwoch hemmer die erschti offizielli
Raclette-Night bi mer deheime gha. Ech danke im Rouländer ond Richi för
sbsorge vom ässe, im Tonino för de gueti Wy ond im Hans daser au no met
sinnere Aweseheit glänzt hed!;-) Es esch ächt es super ässe gsi, aber wer
seid, Männer chönd ned schwanger wärde, dä hemmer eines besseren gelehrt. Ech
han nämli am Donnschtig morge bim Stuhelgang en Früehgebort gha - ha en Chäs
uf dWält brocht,hi! Nochem ässe hemmer denn zäme es Buech gläse;-) ond send
denn i Frosch a dGrand-Luxe-Night! Esch sAchte mal henderenand gsi wo de Richi
zo mer seid: "Ali, wenni höt keini Schmuse, denn beni schwul!" Ja, es esch
auso serschte Wocheend gsi wo de Richi mal ned schwul hei esch. A dere Stell
Gratuliere Richi! ;-) DFöteli vo de 1.
offizielle-Raclette-Night@Ali'-Palace
chönder ufem obenstehehenden Link go akucke!
- Jo, auso geschter semmer am Chlausmärt gsi. De Roli,
de Aschi ond ech send zo de Mäni is Snacki go zmittag näh (nei nei mäni, mer
hend ned drü stond ufs ässe gwartet) ond denn semmer met de Màni ondem
Fabrizio (do hemmer es schöns Theater*insider*) i Wilde Maa abe wo mer denn
metem Richi abgmacht hend! läääck du mer, denn esches de los gange ond leider
chan ech do gar nömme gross öppis verzelle. Luegid eifach dPix a, ech glaube
das seid alles. Es esch jetzt Mittwoch morge am nüni ond ech hocke vorem PC,
han grad euches SMS gläse daser mis mami send go bsueche ond ech mer esches
glich, wöu mer esch eifach schlächt ond trömmlig;-)
- Geschter (Do, 02.12) semmer in Küssnacht im neue
Club (www.parisclub.ch) vo de Yvonne gsi.
Mhh..esch guet eigentlech, logisch mer send ja dete gsi ond hend ei Wödu
nochem andere iedröckt! A dere Stell wett ech aber mou de Rouländer förehebe.
Er esch auso gfahre ond esch fascht Topnüchtern gsi, aber ja, höt fahrt är jo
ab uf Davos, auso es wössid alli wie das usechond, gäu Rouländer;-))! Ebe, zom
Club. Geile Obe gsi, aber drü sache hemmer ustsetze gha: (Fotos)
- Jetzt wössid ehr wie ech mech als Marokkaner in
Onderzahl bi euch Schwiizer fühle..
- Ab jetzt chömmer enand nor no schriebe - well
mer ghöre nüd meh!
- De Antoine hed ufgleid!
- Am Zischtig hemmer im Malou de Gebortstag vom Richi
gfiiret. Ja, mer dankid a dere Stell no einisch för die grosszögig spennd vom
zahle vo de Getränk. Ond ech dank der persönlech nomol för de fucking Grindweh
am nöchschte Tag! Läääck, Jussi, glaubmers, de Richi musteret sech langsam
zomene neue Lieblingswytrink-Partner. Er macht das langsam rechtig guet, sogar
im Malou schletzemer de cheib fäng hendere,hi! (Fotos)
- So au euses Weekend esch jetzt verbi - zom Glöck.
Esch ächt brutal gsi, was dRoccos am Fritig wedermal bote hend. De Richi, Roli
usw. send bereits am nüni is Casineum as Apero gange. ech han no mösse zBüron
i dGuggebar. Be denn gschnell hei no ond han de Guli au grad metgno. De
Stöckli esch denn zo mer heicho ond mer hend no rasch zäme 3 Büecher gläse. Ha
denn welle im Taxi alüüte, zom is Black Mähh go, aber de Stöckli hed gseid er
fahri, da är nor schnell eis Cola chiem cho näh ond denn weder gieng... Ja
womer denn im Mähh achso send, hed de Roli, Richi, Bruno, Angi, Linda, Büsche
ond ond ond scho wie wild uf de Bühni tanzed! Das gesäuffe esch los gange ond
au de Hans hed sech nömme chönne zrogghalte (sAuto wohl gemerkt i de Blaue
Zone zmetzt ide stadt). Mer hend denn abgrockt bes ca. 04.30 bes denn de Roli
metem Luis hei esch ond mer metem Taxi zo mer hei! Ech ben go penne, aber desi
hend no es ganzes Pack Spaghetti kochet. Woni am morge uf gschtande ben, hani
dänkt es sige drü Säu bi mer deheime gsi, be ganz öberrascht gsi, dass die
mech verstande hend woni morge gseid han ond dass die uf de Name Guli, Richi
ond Hans glost hend,hihi!!
- Was am Samschtig passiert esch wett ech jo lieber
ned verzelle, aber muess fascht: De Roli hed jo Chlaushöck gha. Tonino, de
Richi ond ech hend welle eigentlech uf ZH oder SG oder ergendwas ine Club,
aber mer hend ned möge. Denn hed dLea ond dHauri Nici aglüüte ond gseid sie
chieme im Wallstreet ned ine, öb ächt mer ehne rasch chieme cho hälfe.
Natürlech hemmer das denn gmacht ond da sie eus de Itrett zahlt hend, semmer
denn au no rasch met inegange. De Richi hed no facht ganz en Höbschi
ufgschmuset,hihi (Masse: 150 cm gross ond ca. 190kg schwär!) sGspröch zwösche
dene bedne esch gsi, mer nennid sie mal Häx! Häx: Hoi! Richi: Hoi! Häx: Wie
gods? Richi: ähhmm...guet! Tschüss! hihi! ja, das esch denn dä obe gsi ond mer
send weder heigange.....
- Ja, die woche han ech persönlech ned vell metöbercho
was so gloffe esch. Be in Zöri amene Kors gsi. Auso Milan hed 4-0 gwonne, aber
das esch jo normal! Aber am Weekend sett rächt abgo bi eus. Am Fritig hed The
Club im Casineum Apero vorem Letz Fetz. dRoccos wärdid det natürlech presänt
si. ond danach esch im "Black Mähh" Grandluxe-Night, wo mer au wärdid go. Ech
nehme a de Röle werd denn sganze weekend weder todrüsch ha, da är jo morn
Chlaushöck hed metem FC Sursee! (hihi, sorry Röle, jetzt esch fertig, jetzt
verzelli weder nüd meh vo dinne rüsch in zuekonft;-)) Ond mer andere wärdid
met eusem Mister Napoli es Weekend in SG oder ZH mache. mhh...mer hend eus
nonig entschede, aber Bilder wärdid det sicher folge dänki mol!
- Pussy, ech muess der en liebe Gruess vo de Eliane (Senorita_Bonita)
usrechte...
- Au mer hend jetzt serschte ganze wocheende ohni üch
hender eus. Cha nor vo mer säge: ech weiss absolut nömme vell! De Richi,
Mige,Stöckli, Ali send am Geborri vo de Heidi gsi. Ja, auso ech han def. en
Rotwii-Allergie jetzt, meh weissi nömme,hi! Ond alles anderi han ech euch jo
bereits am Phone verzellt! Mhh..ah ja, de Röle hani das Weekend nie gseh, aber
gerüchte zor Folge gniesst är sini Verletzig in allen zügen ond hed
anschindend am Fritig Nomittag metem Sämi P. scho probiert die ganze
Bierreserve im Städtli ufzbruche. wos denn das tatsächlech gschafft hend,
sends denn zom Sämi uf Mouesee go es Apero näh - Typisch Röle, wenn scho volle
besch no es Apero näh - ech säge do nor, han angscht wenn ech a Davos dänke...
;-)
- Ah jo, natürlech hed de Hans au no eine brocht.
sletschtjöhrige 2 hed zom FondueChinoise iglade. Ech weiss die gnaue ziite ned,
aber nähmemer mou a es hätt am sebni agfange: Quizfrage, wenn esch de Hans
uftaucht: A: am 19.30? B: am 21.36 oder C: am 23.25? Antwort: Es ist weder A
noch B noch C, sondern gar ned! Aber das hender jo secher au dänkt gha,hihi!
- Städtli Sursee steht in Flammen! Nachdem Spiel kam
es zu Ausschreitungen im Städtli Sursee. (Die Anführer, keine Angst, mal nicht
die Roccos!) Hunderte ja sogar tausende,hi,fussballfans - oder auch nicht
fussballfans - feierten ausgelassen! Ein Auto steckten Sie in Brand bis dann
die Feuerwehr kam. Als diese nicht für Ruhe sorgen konnten musste ein anderer
Mann her! Es war Ali Maximal, der sich mutig vor die Türken-Gruppe stellte und
diese mit geschickten Schlägen auf den Hinterkopf zur Ruhe brachte....bla bla
bla, oder so ähnlich,hihi! nei seich, aber dStimmig esch geil gsi im Städtli!
- Schweizer Nati an der WM! Türkei - Schweiz 4-2
(Tore: Frei/Streller)
- 6.5 Grad Celsius an der Sonne
- Fiat von Jussi hat ein Leck im Tank und ist in
Luzern in Rep! (mhh..glaube eine Blondine fährt ja zur Zeit mit dem auto;-)))
|