|
Rümliroccos |
|
Ciao zäme, Ond die Site esch speziell för euch gmacht, dass ehr emmer die neuschte Informatione, News ond Pix wo mer vo de bedne Aussies öberchöme chönd verfolge: News: Pictures: Mittwoch, 01. Februar 2006 So, leider beni scho lang nömme dezue cho zom is GB schriebe ond met eusne Jungs zkommuniziere. Be halt a de Fasnacht ond do weiss jo jede wie mer dete Gas ged. Oder emu zumindest ech,hi! Han jetzt aber geschter telefoniert met ehne ond chan euch folgendi sache metteile... Fötli hani leider no kei neue öbercho, aber die folgid denn au bald: Die Jungs hend jetzt also au dGreat Ocean Road hender sech brocht. (Das esch die Küstestross zwösche Adelaide ond Melbourne - Herrlech!) Sie send denn in Melbourne acho ond send jetzt au es ziitli dete gsi, da sie jo dAustralien Open hend welle luege. Das hends denn au gmacht ond send emmer öppe schwarz (ech han doch scho emmer gseid die send kriminell veranlagt) is Stadion inegschleche. Sie hend de Federer (könneder vellecht, dä heisst glich wie ech), dMaritina (nei ned Navratilova), sPatty (nei stöckli, ned die esch Ameli, Silvia oder Marie, die send vo nöimet anderscht) e paarmal gseh... Sex und Frauen - Fehlanzeige (Kommentar vom Hess: Mer send zom Tennisschpele luege dete gsi! Kommentar vom Jussi: Mhh...dami, jetzt wetti denn wörkli ändlech mol weder chli kösse!) Nochher hends sech denn uf de wäg gmacht metem Greyhound uf Sydney ufe. Nochhere chlinnere Panne (esch jo keis problem för sie zwe, hend jo gnueg fraue om sech zom onderhalte, rechtig ghört: onderhalte, ned meh!) sends denn au dete acho. Sydney klar mer god in Usgang lehrt die ond desi lüüt könne ond hed party. De Tom esch denn au i sim Name wedermou grächt worde, das är kei Hemmigslose Stächer esch, ehm gfallts vell besser, eifach chli im gliche Bett näbenand schlofe (mann esch das en schlappschwanz worde, logisch schlofsch näbedem grad i!) De Jussi hed denn wedermou welle pockere, aber det escher jo nonie die bescht gsi: för ehn hed glichig gheisse: 2 Fraue am Start - ond am schloss send bed verrockt! Sex und Frauen - Fehlanzeige (Kommentar vom Hess: Ech be müed gsi! Kommentar vom Jussi: Mhh...dami, pech im Spiel, Glück in der Liebe, nöchschmou lohnis pockere ond nehme grad die erscht!) Jetzt hend sie sech uf de Wäg gmacht rechtig ByronBay! (yep, das esch no genau 1 h vom grosse berühmtberüchtigte Nimbim entfernt) Byron esch en chlini Partystadt, bestod vellecht us vier Pubs ond diverseschte steidänige Touriste. Alles nor Jongi, vorwiegend Surferstyle, Peoples wo eifach mal so zwöi drü täg gschnell alles gänd - met allem drom ond dra! Be denn gschpannt wie ehne Nimbim gfallt, ech säge de Jussi schloft denn dete! Sex und Frauen - Fehlanzeige (Kommentar vom Hess: ähh...chomd, ech glaube mal ech spare mech jetzt endgöltig för Thailand uf! Kommentar von Jussi: He, wenn die wörkli alli so däne ond volle send, denn chan ech met dene sicher alles mache was ech wott!) So, ech muess weder ond freumi scho uf dFöteli vo NimBim in da House! Freitag, 23. Dezember 2005 So, ech han höt am Nomitag mal weder met de Aussies telefoniert. Sie wönschid euch allne Frohe Wiehnachte ond en guete Rotsch is 2006! Sie hend höt de letschte Schueltag gha ond wärdid denn am Mäntig rechtig Alice Springs (a.d.Redaktion: das esch im Outback i de Mitte vo Australien, ca. 43 Grad, ond dete esch de Uluru (AyersRock), sowie dOlga's ond de KingsCanyon) flüge ond dete en Outback-Tour met Zeltcamp för 5 Täg mache. Denn gods wiiter uf Melbourne wos denn Silvester tönd fiire. Euse Mister Jussi esch bereits au zwöimou vo de Carabinieri usegno worde ond hed mösse Blose (Bussenkatalog: Fr. 250.00 ond Fr. 100.00) dBüecher heder aber grad no chönne userüehre ond somit escher eifach wäge dschnellfahre bestroft worde. De Hess god emmerno sim Motto: "äch chom, dJapaneri kössid trotz schrege zähnd ned so schlecht" noche! Dienstag, 13. Dezember 2005 (geschrieben von Jussi) Hey ali, wie hesches? do send no paar korzi sekuenze
vo uesem Australie Trip. Wie du jo weisch semmer letscht woche ofem Suedtrip gsi.
bes ofs waetter esches super gsi. hend i zwe verschedne Backpackers gschlofe ond
ues guet Kante gae. Inzwoesche esch ziit cho wo die meischte vo uesne kollege
abreised, aber du weisch jo wies esch, de Tom ond ech waerded secher weder
anderi bekanntschafte mache. am noechschte Frititg esch de Norde ade reihe,
Monkey Mia usw. mer mietet es auto ond loend katze dae mou deheime. Ide schuel
lauft eigentlech guet, au wenn mer ned emmer awaesend send. am letschte sa send
de Tom ond ech es tuueers Bier go nae. fascht oeberegheit. Chatze zwoesche
18-23. onglaublech. es esch de aber leider no Tabledance gsi aber wie du ues
koennsch hemmer ues das ned lo entgo ond hend de doch au no oepe es Dollarnoetli
lo verschwende. ech glaube das esch ned s`letschte! mol gsi womer det ene gsi
send. evtl. scho hoet obe nochem Pizza aesse. Freitag, 03.12.2005 UUUUUpppppssss.....ein neues Foto ist aufgetaucht, wer ist wohl das?(Foto) Montag, 28.11.05 Geschter hed de Jussi eleige mösse a dSunday-Session go, da de Tom in moment krank im Bett liid. Sigi aber ned schlimm, eifach de hueschte ond schnopper. esch halt dosse 35 Grad ond wenn nochher i Bus oder i dShops chonsch, esch alles derewäg abeküehlt dass sech gwössni Memmene (de Hans esch jo zwar do) verkältid. Söscht hend sie aber emmerno guet. Es grausams Weekend hends gha wo eigentlech bereit am Donnschtig met de Brasil-Night in Deen's de Höheponkt gha hed... Die bede hend anschinend rächt geiferet, aber mer verstönd sie alli,hi! Höt obe möchids bim Tom deheime weder en Schwulen-Obe met American Pie, da de Tom no krank esch. Ech nehme a sie schloffid denn gli öppe mal i, da sie jo wohl kaum es wort verstönd - de Film esch jo uf English,hi! Freitag, 25.11.05 Be geschter vo Zöri hei cho ond han mer welle en gmüetleche Obe mache... Denn lüütets Phone. Ja klar, eusi zwe Aussies dra - en querschnettglähmte hends denne gha! Morge am drü bi ehne, ond sie hend mech nochem heiwäg gfrogt (mhh...send ehr jetzt au ned die zwe wo glachet hend, wo ech mech dozomol verlaufe han?) Na ja, was sie verzellt hend weiss ech nömme, well logischerwiis hends derewäg glallet das ech nüd verstande han (oder emu nor privati sache, wo halt ned för döffentlrechkeit bestimmt sind,hi) Ja uf jedefall hend denn die jungs mer öppe 1.5 Stond schpöter es SMS gschrebe, dass sie de wäg emmernonig gfonde hend. Mini Antwort esch natürlech gsi: easy, gönder direkt i dSchuel, han ech jo au meischtens so gmacht,hi! Föteli hends mer fäng eis chönne doreschicke, das gsände ganz zoberscht ufem Link: Pictures! (Es zeigt de Jussi ond dKollegin vo de Janine Bühlmann. Sie esch vo Wil SG. De Name weissi ned, mer nennid sie jetzt eifach mal Chick!;-) So wie die bede mer verzellt hend gönd sie meischtens am morge i dSchuel ond am Nomi öppedie a strand. Mhh...aber ech dänke höt am morge schloffids us ond gönd denn direkt a strand,hi!
Montag, 21.11.05 Die bede Guys vo Australien hend sech gmäldet. Sie hend jetzt serschte Wocheend hender sech. Donnschtig BrasiliaNight im Deens, Friitig, mhh....weissi nömme was verzellt hend. Samschtig, mhh...weissi glaub au nömme, hi, aber Sonntig hends ehri erscht erfahrig met de Legendäre SundaySession gmacht! För alli die wo scho mol gsi send, wössid wovon ech rede, wenni säge, Legendär! ja die erfahrig hends au gmacht, nor stadt wie de "Früehaufsteher", oder settmer eher säge "Frühsäuffer"-Ali, send sie erscht am Obe am sächsi gange. Tja, denn stod mer halt godsname 2 Stond a zom i dBar inecho. Aber zom glöck hends de Mats i eine vo de vorderschte Reihe atroffe ond hend so ned ganz so lang mösse aschtoh... Morn gönds weder uf sNetz ond probierid mal die erschte Pix dorezloh.... (ech ben gschpannt wie es chlises Kind, wenn ech a die Australische Chicks am Strand zroggdänke) Jungs entüschid mech ned met de Bilder, mer wend nackti Tatsache ond nüd zensierts,hi!!
Donnerstag, 17.11.05 Hallo zaeme, Mittwoch, 16.11.05
Dienstag, 15.11.05
|